പ്രവാസി

✍ റഊഫ് കൊണ്ടോട്ടി

കൊല്ലം മുപ്പതു കഴിഞ്ഞിട്ടും

യന്ത്രം പോലെ കഷ്ടപ്പെടുന്നു.

തപിക്കുന്ന മരുഭൂവിലിന്നവന്

ചൂടൊരു പ്രശ്നമേയല്ല.

സൂര്യചന്ദ്രന്മാർ നിത്യവും

നവദിനങ്ങളെ സമ്മാനിക്കുമ്പഴും

ഒന്നും സ്വന്തമായി നേടാത്തതിന്റെ

പരിഭവവും തന്നിലില്ല.

നരവന്ന ശിരസ്സും ക്ഷീണിച്ച മനസ്സും

മെയ്യിന്റെ ജോലിഭാരം കൂട്ടിയെങ്കിലും

ഇത്തിക്കണ്ണി പോലെ പിടിവിടാത്ത

ബന്ധുക്കൾക്കു മുന്നിൽ

വിശ്രമം അസാധ്യം.

അലയും മലയും കടന്നന്യനാട്ടിൽ

അടിമ ജീവിതം നയിക്കുന്നവൻ

സ്വദേശത്തിന്ന് പ്രവാസി!