നവഭാരതം

- റഊഫ് കൊണ്ടോട്ടി

ലോകമേ നാണിച്ചു തലതാഴ്ത്തിടുന്നു

ഞാൻ ഇന്നിന്റെ ഭാരത ഗതിയോർത്ത്

ഗാന്ധിക്കു ജന്മം കൊടുത്തവളേ

നീ തന്നെ ഗോഡ്സയേം നൊന്തുപെറ്റു

നീതിയും സ്നേഹവും അന്യമിന്ന്

ഹിന്ദുവും മുസൽമാനും  കലഹമിന്ന്

പശുവിന്റെ പേരിലായ് നരനായാട്ടും

അവകാശധ്വംസന ഹീനകൃത്യങ്ങളും

നാനാത്വത്തിൽ ഏകത്വമെന്നുള്ള

സുഭാഷിതമിന്നു കേട്ടുകേൾവി

ഗംഗയും യമുനയും നിത്യവും പേറുന്നു

വിഷാദത്തിൻ മാറാപ്പു ഭാണ്ഡം

വിന്ധ്യ സത്പുര ഹിമാലയശ്രേണികൾ

ഹൃദയാഘാതത്താൽ തല താഴ്ത്തിടുന്നു