ഗുരോ...

- ഉനൈസ് കട്ടിപ്പാറ

ഗുരോ......    
നിനച്ചില്ലൊരിക്കലും
ഇത്രമേൽ തിരക്കുപിടിച്ച് 
ദു:ഖാർദ്ര നൊമ്പരം തന്ന്
ദൈവസന്നിധി പുൽകുമെന്ന്,
ഗുരോ........
അങ്ങ് താണ്ടിയ പാതകൾ
എന്നും വസന്തമായിരുന്നു,
പ്രവർത്തനങ്ങൾ കുറ്റമറ്റതും, 
വരും തലമുറക്കായുശ്കാലം
പഠിക്കാനുള്ള പാഠങ്ങൾ 
അങ്ങ് ജീവിച്ചു തീർത്തു
അതും ഹ്രസ്വായുസ്സിൽ
ഗുരോ.......
ഇനിയെന്റെ യാത്രയിൽ ,
ജീവിതസപര്യയിൽ തികട്ടുന്ന
ഓർമകൾക്ക് ശമനം നൽകാൻ
കൂടെ കരുതണം ഒരു കണ്ണീർ കുടം..
വർണ്ണിക്കാൻ വാക്കുകൾക്ക് ദാരിദ്ര്യമെങ്കിലും
ഓർമയുടെ കവാടത്തിലങ്ങാണ് ...
നാഥാ..... ഒരുമിപ്പിക്കണേയെന്നെയും,
ആത്മ പിതാവിനൊപ്പം നിന് സുഖശീതളിമയുടെ
സ്വർഗ്ഗപ്പൂങ്കാവനത്തിൽ......